Konseya Katalanî bi eşkerayîyêke pêkerdişê NATO û Tirkîya yo ke babeta endamîya Swêd û Fînlandîya de ame kerdene şermezar kerd.

Eşkerayîye de ame vîrvistine ke Tirkîya rîyê binpaykerdişê heqanê merdiman ra xeylêk rey mehkemeyanê mîyanneteweyîyî de ameya mehkumkerdene û pêkerdişo ke aktîvîstanê kurdan îadeyê Tirkîya rê rî bi rî verdeno ame şermezarkerdene.

Eşkerayîye de ame vatene ke ê pê bawer ê ke Fînlandîya û Swêd do pabesteyê demokrasîyê xo bimanê û mesajê paştîdayîşî dîya kurdan. Konseya Katalanî vat: ''Heqê kurdan est o ke qederê xo tayîn bikerê. Wa şarê kurdî semedê menfeatanê polîtîkan ê welatanê bînan mero fedakerdene. Ma nêzdîbîyayîşê winayênî şermezar kenê û paştî danê kurdan.''