Paytextê Danîmarka Kopenhag, kampê multecîyan yê Lavrîo yê Yunanîstan û bajarê Essenî ya Almanya de tecrîd û komploya mîyanneteweyî yê 9ê teşrîna verêne ameyî protesto kerdene.

KOPENHAG

Kopenhag de kurdî û dostê ci bi çalakîyêk komloyê 9ê teşrîna verêne û tecrîdê Îmrali protesto kerdî.

Rayberîya Meclîsê Cinîyan yê Seve û “PlatformSaveafrin” de bi sloganê Ocalanî rê azadîye xeylê kesî ameyî peyser, rayîrraşîyayîşêk viratş û komplo û tecrîdî şermezar kerdî.

Bado zî mîtîngêk ame viraştene. Parlamentro verên yê HDPyî Demîr Çelîk, Komîteyê Helsînkî ra Carl Erik Foverskov, endamê Partîya Sosyalîst yê Şarî û Forumê Kurdîsk ra Pernille Frahm, nameyê şarê Tamîlîyan ra Tharjan Jeyananthan û dezgeyê komelo sivîlî yê vera îşkeneyî ra Tue Magnussen qiseykerdîşêk kerd.

Vervatoxa Meclîsê Cinîyan yê Seve Saîme Bîlene zî qiseykerdişê xo de eleqa ante komploye ser û dewlete ke engiştê ci tede esta nîşan dayî û va:‘‘Ocalan xeta sûre ya şarê kurdî ya. Kes nêşkeno vernîya têkoşînê azadîya Ocalanî bigero. Ganî pêroyê hetê demokrate vera tecrîdî vinderî.‘‘

LAVRIO

Bajarê Lavrîo ya Yunanîstanî de zî bi waştişê azadîya Ocalanî çalakîyêk ameye viraştene. Çalakîye de ê ke seba wayîrvejîyayîşê Ocalanî bedenê xo nayo ta, çarçeweya çalakîyanê ‘‘Şima nêşkenî tija ma tarî bikerî‘‘şexsê çalakavano verên Halît Oral û çalakvano peyên Umît Acarî de şehîdê kahramanî ameyî vîrardenê û sozê berzkerdişê têkoşînê ame dayene.

ESSEN

Bajarê Essenî yê Almanya de zî hetê kurdan û xeylê rêxistinanê çepî ra çalakîyê ameye organîze kerdene. Qiseykerdişn de dîqet ancîya komplo û tecrîdê Îmrali ser û vera şerî de muhîmîya aştîye ardiya vîrê.