Vervatoxê HDP'yî Gunay Kûbîlayî bale ante serê tehdîtanê Erdoganî yê verba Vakur û Rojakewtena Sûrîye û vat qestê înan ê herêma biasayîşe oyo ke herême Kurdan ra xalî bikê. Heqê Tirkîya çin o ke hêrişê erdê welatêko bînî bike.
Vervatoxê HDP'yî Gunay Kûbîlayî Merkezo Pêroyî yê HDP'yî de kombîyayîşêkê çapemenîye viraşt.
Kûbîlayî vist vîrî ke dima ke Erdoganî kombîyayîşo pêroyî yê Neteweyê Yewbîyayeyî de tewirê xo yê seba Vakur û Rojakewtena Sûrîye mojna û va: 'Hînî sebrê ma nêmendo, ma do bi xo wazenê bikê, beno ke nişka ra şewêke ma şêrê.' Kûbîlayî va: "Bitaybetî Rusya dimayê kombîyayîşî Tirkîya teşwîq kerd ke hêrişê Vakur û Rojakewtena Sûrîye bike. Heqê Tirkîya çin o ke hêrişê erdî yê welat o bînî bike, meneyêka heqdare nîya, nêno qebulkerdene. Êyê ke xîret kenî nê hêriş rewa mojnenê, êyê ke xîret kenî bikê ke Tirkîya hêrişê Kurdan bike dostê nê welatî nêyê. Qestê înan ê herêma biasayîşe oyo ke herême Kurdan ra xalî bikê. Wazenê demografîyê Vakurê Sûrîye bivurnê. Ma wazenê reyna vajê ke Vakurê Sûrîye de çîyo ke Tirkîya tehdît keno çin o. Kurdê Sûrîye dişmenê Tirkîya nêyê, way û birayê yewbînan ê. Tirkîya herinda dişmenîya Kurdanê Sûrîye de ganî sîstemê îdare yo demokratîk xo rê bike mîsal û meseleyê Kurdî çarçeweya demokrasîyî de çareser bike."
