Kurdanê şaristanê Krasnodarî yê Rûsya derheqê şewatê Îmraliyî de tewr û qesawetê xo bi eşkerayîyêke ardî ziwan. 

Nameyê çalakîkeran ser o endamê îdareyê organîzasyonî Batîrzanî Gasanovî û Refîk Babayevî eşkerayîye wende. Eşkerayîye de tecrîdê Ocalanî ame şermezarkerdene û ame waştene ke avûkat û keyeyê Ocalanî Ocalan reyde pêvînayîş bikerê. Eşkerayîye de rayaumûmîye û rêxistinanê mîyanneteweyan ê sey CPTyî ra ame waştene ke vera tecrîdê Rayberê Şarê Kurdî Abdullah Ocalanî bêveng nêmanê. Eşkerayîye de dayîya zanayene ke şarê kurdî sayê têkoşînê Ocalanî aver şî û şarê kurdî heta ke Ocalan azad bibo do têkoşîn bikero.