Dîwanê Hemserekîya KCDK-E bi eşkerayîyêk semedê tewrbîyayîşê çalakîyanê azadîya Ocalanî veng da.

TECRÎD Û ÎŞXALÎ WEHŞET ARD

Eşkerayî de ca dîya nînan: ‘‘Tecrîdo girankerde ke Rayberê Şarê Kurdî Abdullah Ocalanî ser o yeno domnayene û hêrişê vera kurdan pêra pabeste yê. Dewleta tirkî bi destpêkerdişê tecrîdî her ca de vera şarê ma polîtîkaya îmhakerdişî esas gena.

VERA CPT Û MHMEYÎ REAKSÎYON

Eşkerayî de Komîteya Vernîgirewtişê Îşkenceyan (CPT) û Mehkemeya Heqanê Merdiman a Ewropa (MHME) zî ameyî rexnekerdene û ame vatene ke dewlata tirkî bêvengîya nînan ra paşt gena.

VENGDAYÎŞÊ ÇALAKÎYAN

KCDK-E da zanayene 6 -18ê Teşrîna peyêne de semedê azadîya Rayberê Şarê Kurdî Abdullah Ocalanî verê Konseya Ewropa (KE), CPT û MHMEyî (Avenue de I`Europe 67000 Strasbourg) de demêko bêmabên û bêwext yê çalakîyan do bêro destpêkerdene. Ganî na babete de her kes bi ruhê seferberîye bixebityo û kurdîstanijî û dostî nika ra dest bi hadreyîya xo bikerî. Çalakî her roj saet 10.00 ra heta 17.00 do virazîyo.‘‘