Kampa Lavrioyî ya Yunanîstanî de serrgêra 45. ya ronîyayîşê PKKyî bi şayîyêka pîle ameye fîrazkerdene. Şayîye de posterê Rayberê Şarê Kurdî Abdullah Ocalanî ameyî akerdene. 

Sîyasetmedarê kurdî Kemal Aktaşî şayîya ronîyayîşê PKKyî de ard ziwan ke Abdullah Ocalan roşnîya şaran a û vat: ''Ma têkoşînê xo yew bikerê û na serre bikerê serra azadîya Rayber Apoyî. Ma do bi xurtî tewrê Hemleya 'Abdullah Ocalanî rê Azadîye, Meseleya Kurdan rê Çareserîye' vejîyê.''

Şayîye de mesajê MLKPyî ame wendene. Dima derheqê têkoşînê PKKyî de sînevîzyon ame mojnayene û fîşekî ameyî eştene.

Şayîye de hertim sloganê ''Bijî Serok Apo'' ame vatene û deyîrî ameyî vatene. 

Ciwanan bi deyîranê Bengî Agirî govende girewte. Şayîye bi sloganan qedîyaye.