Paytextê Îngilîstanî London de domano kurd o 17 serre Alî Baygoren pê kardî amebi qetilkerdene. Seba doman Baygorenî cemxaneyê Londonî de merasîmêk ame kerdene. Keyeyê Baygorenî reyde, Hemsereka Federasyonê Elewîyan ê Brîtanya (BAF) Dîleke Încedal, Sereko verên ê BAFî Îsrafîl Erbîl, Hemsereka Cemxaneyî Fîlîze Koç, temsîlkarê Meclîsê Şarê Kurdî, GÎK-DER û rêxistinanê herême tewrê merasîmî bîyî.

Dadî Hatîce Baygoren wextê oxirkerdişî de lorîkî vatî.

Girseyê bi seyan kesan vilikî nayî ro, findî vistî ta. Merasîmê cenaza hetê Pîr Mehmet Yukselî ra ame kerdene. Pîr Yukselî merasîm de qisey kerd, dima cenaza Goristanê Chingfordî de ame oxirkerdene.