Londonê Îngîlîstanî de faşîstanê tirkan taxa Haringeyî de ya ke Merkezê Komelê Kurdan tede yo û sey taxa kurdan yena zanayene, badê maçê Tirkîya-Hollanda hêrişo provokatîf kerd.

Bado ke vera Hollanda 2-1 bin kewtî nîjadperastanê tirkan bi beyraqanê tirkan û sembolanê faşîstan kerd ke bikewê taxa Haringeyî la tîya ciwananê kurdan ke vera provokasyonî nobete tepiştene verê înan girewt. Ciwananê kurdan vera slogananê faşîstanê tirkan ê vera kurdan nêrazîbîyayîş mojna ra. Naye ser faşîstî kuçeyan ra kerd ke biremê. Polîsanê îngîlîzan ke vera provokasyonê nîjadperestî yê faşîstan tedbîr nêgirewt, bi gazê îsotî hêrişê kurdan kerd.

Ciwanan bi sloganan hêrişê polîsan protesto kerd. Herêma  Green Lane de bi seyan kurdan tewirê polîsan bi çalakîya roniştişî protesto kerd. Kurdan bi deyîranê xoverdayîşî û govende, çapik û tîlîlîyan xoverdayîşê xo domna.  Polîsanê di ciwanê kurdî destbend kerdî.  Naye ser o kurdan herêma Haringeyî ra ver bi Îstasyonê Polîsan ê Wood Green dest pê rayraşîyayîşî kerd. Ciwanan ra yew ame veradayene û dîya zanayene ke ciwano bîn do badê îfadeyî bêro veradayene.

London de badê maçê Avusturya-Tirkîya zî nîjadperestê tirkan semedê hêrişî kewtbî kuçeyan û kurdan naye ser o qerarê xopawitişî girewtbi.