Bajarê Lozanî yê Swîsre de Newroza ke roşanê ganîbîyayîşî yê şarê kurdî û şaranê Rojhelatê Mîyanênî ya hetê kurdan û dostanê înan ra ameye pîrozkerdene.

Şaredarê Lozanî Grégoire Junod û hetkarê ci Philippe Somsky, Parlamentera Platformê Ensemble à Gauche Mathilde Marendaz û xeylêk temsîlkarê partîyanê sîyasîyan û dezgehanê komelê sîvîlî tewrê şayîya Newroze bîyî. Şaro ke ParkaMentbenon ame têhet pê meşaleyan heta Meydanê Riponne rayra şî ke  tîya Pêkerdişê Lozanî amebi îmzakerdene.

Şaredarê Lozanî Grégoire Junodî ard ziwan ke ê vera Pêkerdişê Lozanî wayîrê têkoşînê kurdan vejîyenê û semedê mexdûranê erdlerzî mesajê paştdayîşî da.

Hetkarê Şaredarê Lozanî Philippe Somskyî zî bale ante têkoşînê kurdan ê vera DAÎŞî ser û vat ewro çeteyê bînî bi paştdayîşê Erdoganî vera kurdan qirkerdişan kenê.

Parlamentere Mathilde Marendaz zî xoverdayîşê kurdan ê vera faşîzmî silam kerd û vat: ''Vera kurdan çekê kîmyewîyî yenê şuxulnayene, Ewropa gerek hinda hêrişê serê kurdan û xoverdayîşê înan bivîno.''

 Badê qiseykerdişan hetê Hetkarê Şaredarê Lozanî Philippe Somsky û parlamenteranê Swîsre û  endamanê Meclîsê Cinîyan ê Lajîne ra adirê Newroze ame tavistene.