Endamê Komîteya Rayberdişî ya PKKyî Duran Kalkanî derheqê şehadetê Alî Haydar Kaytanî û Riza Altunî de wina ercnayîşî kerdî:

‘’Na kongreya ma ya ke Rayber Apo bi zelalî vano hetê rêxistinî ra do biba kongreya PKKyî ya peyêne. Kongreyêka ma ya winayêne de ma şehadetê di embazanê Rayber Apoyî yê verênan, di embazanê ronayoxanê ercîyayeyan ê partîya ma îlan kenê.

Pêro embazî, rayaumûmîye, şarê ma, cinî û ciwanî nînan baş şinasnenê.

Embazê ma Fuat embazanê Rayber Apoyî yê verênan ra bi. O beşdarê kombîyayîşê Awbendê Çubukî bi ke bingeyê rêxistinîya partîya ma tede awan bibi û heta şehadetî ey karê rêxistinîye kerdî. 

Bi têkoşînê pratîkî yê dergî û şehadetî ey perwerîya bi Rayber Apoyî îsbat kerde. Ey mojna ma ke raştîya Apogîre do bin nêkewa. Wextê hêrişanê vera Rayberîye de zî embaz Fuatî bêteredut hetê Rayberîye de cagirewt, bingeyê xeta Rayberîye de tewir mojna û têkoşîn kerd.

Bi pêro hêz û hunerê xo ey giranîye daye rêxistinîye, perwerde û têkoşînê partîye. Keda embaz Fuatî ma pêroyînan ser de est a. Ey hîs û fikrê xo her ca de bi rayîranê cîyayan ardî ziwan. Ey destekêko pîl da edebîyatê partîye, Rayber Apoyî reyde no da destpêkerdene û aver berd. Nika bingeyê nînan de ma fam kenê, wanenê, nusenê, benê wayîrê moralî, şîîr û hîkayeyan vanê. 

Ez ancî embaz Fuatî bi hurmet û heskerdişêkê pîlî yad kenê.

Pêro embazî embaz Rizayî şinasnenê. Wextê koma verêne de o Anqara ra tewrê kome bi, averberdişê têgêrayîşî û awankerdişê xeta çalakîye de kedkarîyêka pîle daye rêxistinîye û têkoşînî.

Embaz Riza temsîlkarê kesayetê Kemal Pîrî bi. Embaz Rizayî mîyanê şert û mercanê tewr zehmetan de têkoşîn ke vera dişmenî bi fedakarî û qehremanî, bi metodê afernayoxî  xeta çalakîye ya PKKyî de cagirewt.

Dima o kewt zîndanî. Ey zîndan de wend, cigêrayîş kerd. Ey hişmendîya xo ya teorîke xurt kerde. Ey hunerê xo yê îdareyê rêxistinîye aver berd. Ey ferasetê xo yo sîyasî zêdîna, karanê rêxistinîyan ra heta bi karanê dîplomasî o tewrê xeylê wezîfeyanê cîyayan bi. 

Labelê mîyanê partîye de erkê ey o destpêk rêxistinkerdişê Komîteya Merkezî, endamîya Komîteya Leşkerî ya Merkezî bi. O hetkarê embaz Mehmet Karasungurî bi ke sey fermandarê komîteya merkezîye ame wezîfedarkerdene. Amadekerdiş û rêxistinkerdişê xoverdayîşê Sêwrege de ey embaz Mehmet Karasungurî reyde refanê vernîyan de erk kerd, kedêka pîle daye. Embaz Riza şerêkê winayênî de kewt destê dişmenî.

Ganî bizanîyo ke nê taybetmendîyê kesayetî sey kesayetê Kemalî ganî bêrê cigêrayene û famkerdene. Nê esasî ser o ma ancî embaz Rizayî bi hûrmet û heskerdişî anê ziwanî.

Rayber Apoyî tim no vat. Rayber Apoyî vat ‘Sey rayraşîyayîşê serê peyê kardî yo.’ Nê rayraşîyayîşî de tayî birîndar bîyî, tayînan gonîye rijnaye. Her hela têkoşînê ma yê azadîye yê rayraşîyayîşê Rayber Apoyî yê 52 serran bi zehmetîyanê pîlan, bi fedakarîya cesûre û çêrîya vera astengîyan, bi dayîşê şehîdan ameye destvistene.

Qet yew çi bi asanî û bêbedel nêkewt destî.’’