Lozanê Swîsre de serrgêra Pêkerdişê Lozanî ke bi sebebê qirkerdişê kurdan ê na seserre, konferanso tarîxî yeno kerdene. Eynî wextî de ewro do rayraşîyayîşo pîl bêro kerdene.

Konferanso ke bi tewrbîyayîşê 600 kesan Heyeta Beaulieu Kongre  (Salle de Congrès de Beaulieu) yeno kerdene Pêkerdişê Lozanî yeno destgirewtene. Konferans do di rojî dewam bikero. Konferans de do babetê sey netîceyê Pêkerdişê Lozanî yê semedê kurdan, rewşe û têkoşînê cinîyan, rewşa şaranê armanî, asûrî û keldanî û têkoşînê seserran ê vera pêkerdişî bêrê destgirewtene. Peynînameyê konferansî do 24ê temmuze roja dişemeyî, saete 10.00 de verê banê Château d’Ouchyî de bi eşkerayîyêke  bêro eşkerakerdene.

Hetê bînî ra ewro Lozan de semedê protestokerdişê pêkerdişî do çalakîye bêro kerdene. Kurdîstanijî saete 11.30 de do Place de la Navigation de kom bibê û saete 13 de dest pê rayraşîyayîşî bikerê, dima ra do mîtîngêk bêro kerdene. Xeylêk sîyasetmedar û hunermendê kurdan do tewrê çalakîye bibê.