Bajarê Lozanî yê Swîsre vîjnayeyanê kurd û swîsreyîjan Mustafa Atici, İhsan Kurt, Sibele Arslan, Fabian Molina, Laurence Fehlmann Rielle, Carlo Sommaruga, Ada Mara, Stefania Prezioso Batou, Claudia Friedl, Jon Pult, Samuel Bendahan, Ursula Schneider, Yvonne Feri, Nicolas Walder, Sandra Locher Benguerel, Edibe Golgeli, Bulent Pekerman, Jean-Charles Rielle, Nicole Valiquer Grecuccio, sosyolog Ueli Mäderî bi eşkerayîya hempare veng da PDK, YNK, KNK û  partîyanê Swîre.

Eşkerayîye de nê ameyî vatene: ''Xeberê pêkewtişî ke Başûrê Kurdîstanî ra yenê seba înan têna kurdî nê ma pêro qerqilîyenê. Hema ke tehlukeyê DAÎŞî esto opersayonê leşkerî yê dewleta tirke sîvîlan fînenê tehluke û rijnayîşo ekolojîk yeno kerdene. Operasyonê leşkerî û sîyasîyî yê dewletanê herême şarê kurdî fînayo tenganîye. Mabênê Vakur û Başûrê Kurdîstanî de tengijîn vejîyayo werte.  Kurdanê ke vera DAÎŞî têkoşîno xurt da têkoşînê xo yê demokrasî, haştîye û azadîye zî aver berd. Qewimîyayîşê Başûrê Kurdîstanî zirar dano têkoşînê kurdan ê heqdarî.

Ma sey vîjnayeyanê kurd û swîsreyîjan û sempatîzanan welatêkê bêhet û demokratîkî ra veng danê partîyanê kurdan ke wa mesele pê dîyalogî çareser bikerê. Seba ke kurdî yew nêbîye 30 serranê peyênen da zaf zirar dî. Ma sey kurdan û dostanê kurdan semedê dîyalogî veng danê. Ganî Parlamentoyê Başûrê Kurdîstanî, Kongerya Neteweyîye ya Kurdîstanî, PDK, PKK û YNK semedê haştîye berpirsîyarîya xo bîyarê ca û dewleta tirke hêzanê xo yê leşkerî herême ra peyser bianco. Têna pê haştîye şar eşkeno bibo azad ke ganî kurdî xo mîyan bi dîyalogî bêrê were.''