Kurdê ke bajarê Luzernî de ciwîyenê seba ke bale biancê serê tecrîdkerdişê Ocalanî û grevê veşanîye û rojeyê mergî yê vera tecrîdî, dest bi grevê vêşanîye yê hîrê rojan kerd.

Bi serkêşîya Cimatê Demokratîkî yê Kurdistanijan ê Luzernî (CDK-Luzern) vernîya îstasyonê trêne de kone ameye akerdene. Saete 11:00 de eşkerayîye ameye dayene û bi nê hawayî grevê vêşanîye dest pêkerd.

Dayîkî û merdimê ke domanê înan grevê vêşanîye yê bêdem û bêagêrayşî de yê, beşdarê çalakîye bîyî.

Wextê çalakîye de dayîkan leçegê sipîyî eştî xo ser û bale ante serê grevê vêşanîye yê vera tecrîdî.

Grevê vêşanîye do roja dîyine vernîya Parlamentoyê Kantonî yê Luzernî de bidomno. Bi rayîrê na çalakîye do bêvengîya hukmatî û dezgehanê mîyanneteweyî bêra şermezarkerdene.

Bi eynî amancî do 16-17'ê Gulane vernîya Ofîsê Cenevreyî yê Neteweyê Yewbîyayeyî de çalakîya roniştişî ya 2 rojan a qirseyî bêra viraştene.