Xebatê weçînitişê  2019î  yê Vakurê Kurdîstan û Tirkîya nika ra ameyî destpêkerdene. Endamê Merkezê Partî ya Herêmanê Demokratîke (DBP) yê Edene Erdol Demîrhanî weçînitişê cayîyî ser o qisey kerd.

Demîrhanî vist vîrî ke peynîya serra 2016î de hukmatê AKPyî qeyûm tayînê  96 şaredarîyanê DBPyî kerd û va: ‘‘No îradeyê şarê kurdî rê zî qeyûm tayînkerdişo. Îradeyê şarî û waştişê  şarî yê xo bi xo îdarekerdiş nêvînayîş ra ame. Coka weçînitişê cayîyî yê 2019î seba ma zaf muhîm o. Ganî ma zaf bixebitî. Ma do bi heme hêzê xo yê rêxistinkerdeyî hem şaredarî yê ma ke ameyî gaspkerdene hem zî nînan ra zafêr reyna qezenc bikerî.‘‘

Demîrhanî da zanayene ke yê do bi Partîya Demokratîke yê Şaran (HDP) bikewî weçînitişê cayîyî û wina domna: ‘‘ Weçînayoxê  HDPyî her ca de estî la cayê ke kurdî zafê nê cayan de îddîaya ma hîna gird a. Edene zî sereyê nê bajaran de yena. Tîya de nêzdîyê 2 mîlyonan kurdî estî. Qezayanê sey Ceyhan, Yuregîr û Seyhan, Mersîn de zî Akdenîz û Torosan de kurdî zaf î. Na çarçiwe de ma komîsyonê xo ronayî û ma goreyê qezeckerdişî planê xo kerdî û wina xebityenî.‘‘

Erol Demîrhanî qiseykeridşê xo wina qedîna: ‘‘HDPyî rê eleqayo gird esto. Tena kurdî nê hetê çep, sosyalîst û demokratan a pîya yê ke polîtîkaya AKPyî  ra eciz bîyê yê zî nê prossesî de vanî HDP. Partîya Demokratîke yê Şaran weçînitişê cayîyî de her hetî ra ûmid dana şaran.‘‘