Hêrişê vera dezgehanê kurdkî û tecrîdê Îmraliyî ameyî protestokerdene. Çalakîyan de ame vengdayene ke wa têkoşînê vera tecrîdî bêro xurtkerdene û her kes semedê kurdkî bibo seferber.
Wan û Mêrdîn de hêrişê vera dezgehanê ziwan û kulturê kurdan û tecrîdê Îmraliyî ameyî protestokerdene. Çalakîyan de semedê wayîrvejîyayîşê kurdkî û vervejîyayîşê tecrîdî ame vengdayene.
Wan de verê banê DEM Partî yê Artemetî eşkerayîye ameye dayene. Eşkerayîye de ame vatene ke hêrişê vera ziwan û kulturê kurdan pabesteyê tecrîdê serê Rayberê Şarê Kurdî Abdullah Ocalanî yê ame vengdayene ke wa vera tecrîd û hêrişdanê vera kurdkî têkoşîn bêro xurtkerdene û wa her kes semedê kurdkî bibo seferber..
Mêrdîn de zî hetê DEM Partî ra Parka Karayollari de eşkerayîye ameye dayene. Eşkerayîye de ame vîrvistene ke hêrişê vera dezgehanê kurdan de mamosteyê kurdkî ameyî destbendkerdene û ame vatene dezgehê kurdan bê xebetkaran nêmanenê. Her kurd/e memosteyêk o/a.
