Vizêr polîsanê tirkan eşt Komeleya Cigêrayîşê Kultur û Kulturê Mezopotamya (MED-DER), Payîz Pirtûkî ser û Kooperatîfê Ziwan û Hunerî yê Anka ser. 25 kesî operasyon de ameyî destbendkerdene. 

Amed de dezgehanê sey Ma Music, Tîyatroyê Şaristanî, Akademîya Sînemaya Rojhelatê Mîyanênî û KASEDî seba paştdayîşî bînaya MED-DERî de atolyeyê kurdkî akerdbî û bi sernameyê "Qirkirina Çandî'' dersî dayî. 

Sereka KASEDî Salîha Ayata derse daye û bale ante ser ke kurdkî Tirkîya de ziwanêko qedexe yo la kurdan hertim vera asîmîlasyon û operasyonan ziwanê xo pawito. Salîha Ayata vat: ''Ma do qelema embazanê xo yê destbendkerdeyan war de nêverdê. Embazê ma seba ke ziwanê xo pawenê ameyî destbendkerdene.''

Derse bi sloganê "Be ziman jiyan na be" qedîyaye.

Koordînatorê Ma Musicî Şêrko Kanîwarî zî derse ra dima baxçe de eşkerayîye daye û pare krd ke heta ke 40 mîlyon kurdî nêkişîyê kurdkî do nêra kiştene. Kanîwarî vat: ''Ma tîya de yê. Beno ke embazê ma bitepişîyê zî. La wa ê bizanê ke qelema înan destê ma de ya. Kurdî do sey mamostayan tîya de bixebitê.''