Goreyê zanayîşanê ke ameyê girewtene şewe saete 02.00 de vera bînaya HDPyî ya Marmarîsî hêriş ame kerdene. Hêrişkerî camê bîna şikitî. 

Polîsan hêrişker cayê serebûtî de destbend kerd. Hêrişker Mudirîya Asayîşî ya Marmarîsî de tepişîyeno.

Hemserekê HDPyî yê Marmarîsî Guven Goknarî da zanayene ke polîsê ke bîna pawitêne agahîye daye înan û têna camê teberî zerar dî.

Goknarî pare kerd ke înan gerreyê hêrişkerdî kerd û vat: ''Ê wina xîret kenê bimojnê ke seke şewatê Marmarîsî HDPyî kerd. Hedefkerdişê winasênî hêrişê vera bînayanê ma zêdînenê.''

14ê temmuze de zî vera bîna hêrişê bi çekan amebi kerdene. Hêriş de hêrişkeran guleyî varnayî zereyê bîna û kesê bi nameyê A.T.D. tepişîyabi. 4 kesê ke hêriş dabi kerdene bi şertê kontrolê edlîyî vera dîyayî.