Bajarê Marsilya yê Fransa de tepişteyê ke vera tecrîdê serê Rayberê Şarê Kurdî Abdullah Ocalanî grevê vêşanîye de yê, bi mîtîngêkî ameyî selamkerdene.

Çalakîye de ame vatene ke azadîya Abdullah Ocalanî têna azadîya şarê kurdî nê, azadîya heme şaranê Rojhelatê Mîyanênî ya û semedê wayîrvejîyayîşê grevê vêşanîye ame vengdayene.

Hetê bînî kitabxaneyê tewr pîlî yê bajarî de çarçewaya hemleya ''Abdullah Ocalanî rê azadîye, meseleya kurdan rê çareserîya sîyasîye'' de kitabê Ocalanî wendoxan reyde ameyî têhet.