Mayanê Şemeyî hewteyê 983. de Meydana Galatasarayî de aqîbetê endamê ÎHD û Sekreterê OZDEPî yê Erzîncanî Cemal Akar pers kerd ke dima ke amebi destbendkerdene tira xebere nêameye girewtene.

No hewte Hemsereka ÎHDyî Erene Keskîn eşkerayîye wende. Erene Keskîn da zanayene ke Cemal Akar 25ê çeleyê 1993yî de Akar hetê JÎTEMî ra ameyo remnayene û rixmê muracatanê keyeyê ci zî dima tira xeberêke nêameyo girewtene. Erene Keskîn pare kerd ke cenazaya Akarî dima qezaya Qisle ya Dêrsimî de ameya dîyene. Erene Keskîn îfade kerd ke dosyaya Cemal Akarî bê tehqîqatêkê xurtî ameya qefilnayene û vat: ''Ma wazenê ke wa seba edaletê raştikênî mesuldarî têbigêrê. Ma do tim aqîbetê Cemal Akarî bipersê û erkanê dewlete bivisnê vîrî.''

Dima girseyî meydan de qeranfîlî nayî ro.