Mayanê Şemeyî û aktîvîstanê heqanê merdiman hewteyê 986ine de Meydanê Galatasarayî de aqîbetê Ridvan Karakoçî pers kerd ke 29 serrî verî amebi destbendkerdene û dima tira xeberêke nêamebî girewtene.

Îkbale Eren çalakîye de da zanayene ke Ridvan Karakoç 1995 de dîyayo vînîkerdene û 110 rojan ra dima meyîtê ci yo îşkencekerde ameyo dîyene. Erene pare kerd  ke derheqê serebûtî de tehqîqatêko qîm nêameyo kerdene û keyeyê Karakoçî tim ameyo tehdîtkerdene.

Erene vat: ''Ma do tim aqîbetê Ridvanî û vînîbîyayeyanê bînan bipersê û bivisnê vîrê dewlete ke goreyê normanê huqûqî têbigêra.''

Girseyî meydan de qeranfîlî verdayî û vat  ke ê do qetî têkoşînê xo ra fek vera nêdê.