Mayê Şemeyî pê xoverdayîşî resayî meydanê xo yê Galatasarayî. Çalakîye de Mayanê Şemeyî û aktîvîstanê heqan aqîbetê Abdulkerîm Yurtseven, Mîkdat Ozeken û Munur Saritaşî pers kerd. 

Hewteyê 972. de Endamê Heyetê Rayberdişî yê Merkezî yê HEDEPî Musa Pîroglu, Hemsereka Pêroyî ya ÎHDyî Erene Keskîn û Wekîlê TÎPî Ahmet Şik zî amade bîyî.

Merdimanê vîndîbîyayeyan ra Îkbale Eren çalakîye de qisey kerd û da zanayene ke 2018 ra nata reya verêne ê vejîyayê meydanî. Erene vist vîrî ke Abdulkerîm Yurtseven, Mîkdat Ozeken û Munur Saritaş 27ê teşrîna verêne ya 1995î de Gever de ameyê destbendkerdene û  a roje ra nata nînan ra xeberêke nêameya girewtene.

Erene bale ante ser ke goreyê qeydanê Mehkemeya Colemêrgî Yurtseven netîceya paskilanê leşkeran de ameyo qetilkerdene û leşkeran dima seba ke bîyê şahîdê serebûtî Ozeken û Saritaş zî vêşnayê û kiştê.