Meclîsê Weşîye yê Kongreya Komelê Demokratîkî (KCD) derheqê tecrîdê vera Rayberê Şarê Kurdî Abdullah Ocalanî de eşkerayîyêke daye. Eşkerayîye de ame vatene ke tecrîdê zîndanan resayo a aste ke sînoran nêşinasneno.

Eşkerayîye de ame vatene ke sîstemê tecrîdî yê Îmraliyî pêro zîndanan ra vila bîyo, heqê weşîye, îfad û muhakemekerdişê edîlî bîyê meseleyê giranî û zîndanî vurîyayê îşkencexaneyan. Meclîsê Weşîye bale ante tepişteyanê nêweşan ser û îfade kerd ke raporê 'eşkenê zîndan de bimanê ' yê ATKyî sûcê vera merdimîye yê.

Meclîsê Weşîye vat: ''Abdullah Ocalan seba ke rayberê şarê kurdî yo, weşîya ey weşîya pêro şarê Kurdîstanî ya. Tecrîd hêrişêkê vera weşîya merdiman o, qirkerdişo komelkî yo. Têkoşîno ke vera şer û qirkerdişî, seba heq û azadîye yeno kerdene, ganî seba şiknayîşê tecrîdî zî bêro kerdene. Seba şiknayîşê tecrîdî haştî û azadî wa bêrê awankerdene. Vera polîtîkayanê kolonyalîst û îşxalkeran awankerdişê cuyêka azade wezîfeyê ma yo sereke yo.''