Avûkatanê sîyasetmedara kurde Aysele Tugluka ke nêweşa demensî ya seba ke qerarê tedbîro bêro caardene, înfazê ci peyde bêro eştene û serbest bêro veradayene muracatê Mehkemeya Qanûnê Bingeyênî kerdbi. Mehkeme vizêr qerarê mabênî de waştişê avûkatan red kerd.

Heyetê mehkeme waştişê tehlîyekerdişê Tugluke red kerd. Mehkeme qerar girewt ke qerarê tedbîrî do bêro caardene. Çarçeweya nê qerarî de tedawîya Tugluke do bêro kerdene û pîya bi tedawîya ci do polîklinikanê norolojî û psîkîyatî de nîzamin do bêro muahyenekerdene. Goreyê qerarî eke nêweşîye giranêr bibo do rewşa Aysele Tugluk reyna bêro ercnayene.

Avûkatanê Aysele Tugluke derheqê qerarê mehkeme de eşkerayîye daye. Avûkatan vat: ''Qerar de ê  bi xo îtîraf kenê ke rewşa Aysele Tugluke do bibo giranêr û têna meeşko miqatê xo bibo. Ma do semedê peydeeştişê înfazê Tugluke newe ra muracatê Serdozgerîya Komare ya Kocaeli bikerê. Rojanê verê ma de Tugluke do reyna muayeneyanê ATKyî ra ravêro. Ma hêvî kenê ke narey goreyê huqûq û wîjdanî raporêk bêro dayene.''