Bajarê Hamburgî yê Almanya de vizêr semedê paştdayîşê aktîvîst Kenan Ayazî verê Zîndanê Dammtorî de çalakîye ameye kerdene.

Çalakîya ke hetê Komîteya Paştdayîşî ya Kenan Ayazî ra ameye kerdene, xeylêk kesî tewrê ci bîyî. Çalakîye de postere Kenan Ayaz û Mehmet Çakasî yo ke Celle de yeno tepiştene, ameyî kiriştene.

Anja Flacha ke bi nameye komîte qiseykêrdişêk kerd vat Ayaz  bîlasebeb rîyê fîkranê xo yê sîyasîyan ra bi aşman o tepişte yo. Anja Flach ard ziwan mehkemaya Ayazî  3ê teşrîna peyêne de do dest pêbikera û veng da ke wa her kes verê mehkeme de bêro têhet.

Eşkerayîya bi nameye Azadî de zî semedê xurtkerdişê têkoşînî ame vengdayene.

Mîtîng bi deyîranê Umut Botanî qedîya.