Menga sibate de Tirkîya de 131 karkerî merdî
Goreyê raporê ÎSÎGî menga sibate de Tirkîya de tewr tay 131 karkerî merdî ke înan ra di tenî doman ê û di tenî zî multecî yê.
Meclîsê Asayîşê Karî û Weşîya Karkeran (ÎSÎG) raporê xo yê mergê karkeran ê menga sibate weşana.
ÎSÎGî keyeyanê karkeran, embazanê karkeran û sendîkayan ra doneyî kom kerdî û da zanayene ke tewr tay 131 karkerî menga sibate de merdî. Goreyê raporî nêzdîyê 6 kesî zî nêweşîya karî ra merdî. Goreyê naye 131 karkeran ra 118ê ci karkerê bi pereyan û karmend ê, 13ê ci rençber û esnaf ê, 3ê ci cinî yê, 128ê ci zî camêrd ê.
