Endamanê Merkezê Kultur û Hunerî yê Mihemed Şêxoyî yê Qamişloyî yê Têgêrayîşê Kultur û Hunerê Demokratîkî yê Mezopotamya bi eşkerayîyêke tewrê seferberîye bîyî ke seferberîye hetê Îdareyê Xoserî ra 1ê kanûna 2024î amebî îlankerdene.

Eşkerayîye verê Merkezê Kultur û Hunerî yê Mihemed Şêxoyî de bi beşdarîya endamanê merkezî û keyeyê şehîd Dîyar Qamişloyî hetê Endama Komunê Tîyatroyî Lorîne Derweş ra ameye wendene.

Lorîne dîyar kerd ke herêmê Rojawanî safhayêka tarîxîye ra derbaz benê, hêrişê dewleta tirke ya îşxalkere vera herême zêdîyenê û vat: ''Ma hêzanê xo tena nêverdanê. Ma do binê sîwana QSDyî de seba pawitişê erj, kultur û nasnameyê xo rêxistin bikerê. Ma bi nameyê 'Şehîd Dîyar'î taburê xo awan kerd ke 40 kesan ra yeno pê.

Eşkerayîye bi sloganan qedîyaye.