Mersin de 5 ciwanê HDPyîjî ameyî tepiştene

Mersin de 13 kesê ke 5ê înan domanê bado ke 11 rojî nezarat de mendî vizêr vejîyayî mehkeme. Mehkeme de 5 ciwanî ameyî tepiştene.

Mersîn de 13 kesê ke 5ê înan domanê sereştişê keyeyan ê 11ê sibate de ameybî destbendkerdene. Badê 11 rojan  vizêr serdozgerîye de îfadeyê înan ame igrewtene. 5 domanî bi şertê kontrolê edlîyî ameyî veradayene. Rengîn Denîz zî seba ke derheqê şikdaran de îfade dayo sebest ame veradayene.

Endamê Meclîsê Ciwanîye yê Bajarî yê Partîya Demokratîke ya Şaran  (HDP) Ferhat Salman, Resul Demir, Mehmet Beyhan, Mustafa Koç, Bayram Taş, Yusuf Keskin û Serkan Şahin zî Dadgerîya Cezaya Sulhî rê ameyî sewqkerdene. Beyhan û Taş bi şertê kontrolê edlîyî ameyî veradayene. Salman, Demir, Keskin, Koç û Şahîn bi îdîaya ''endamîya rêxistene''  ameyî tepiştene.