Mersin de Endamê Meclîsê Partîye yê HEDEPî Naif Bulga û Endamê Meclîsê Ciwanan ê HEDEPî Mazlûm Kaya yê ke 28ê teşrîna verêne de ameybî destbendkerdene ameyî tepiştene.

Dozgerîye de îfadeyê Bugla û Kayayî ame girewtene û tepiştişê wirdan zî ame waştene. Bulga rîyê parekerdişê medyaya sanale ra bi îdîaya “Propagandaya rêxistine” ame sûcdarkerdene. Kaya rê zî  sûcdarîya keyfî û sîstematîkî “Endamîya rêxistine” ameye kerdene. Bulga û Kaya Dadgerîya Ceza Sulhî de ameyî tepiştene.