Goreyê raporo ke hetê Mehkemeya Muhasebatî ra ameyo dayene, mesrefê serrane yê Serekkomarîye yê 2017î 362 mîlyon TL yo. Mîyanê ci de seba pakîye 3 mîlyon, seba temsîl û meymanan 36 mîlyon û sewbîna mesrefê bînî ameyî nawitene.
Mehkemeya Muhasebatî (Sayiştay) raporêk aşkere kerdo û rapor de ca dîyayo mesrefê Serekkomarîye yê 2017î. Goreyê raporî meaşo ke dîyayo Erdogan aşmane 53 hezar 300 TL yo û serrêk de keno 639 hezar 600 TL. Meaşo ke serrêk verê pêro pîya 591 hezar TL bi, 48 hezar TL zêde bîyo.
Par bitaybetî meymankerdişê ke Qesre de ameybî viraştene ver şar reaksîyon nîşan dabî. Goreyê raporî seba meymankerdiş, organîzasyon û sewbîna 36 mîlyon 273 hezar 650 TL pere ameyo xerc kerdene.
Reyna goreyê raporî seba pakîye 3 mîlyon TL, seba çîyê xerckerdişî 2 mîlyon 646 hezar 152 TL, seba malzemeyê çîtare û tuhafîye 7 mîlyon 79 hezar 913 hezar TL, seba rayîrî 13 mîlyon 999 hezar 967 TL û sewbîna xeylê mesrefê bînî estî.
Seke yeno zanayene mesrefê serrane yê 2016î zî 365 mîlyon 324 hezar 771 TL bi.
