Qezaya Nurdagî ya Dîlokî, bajaranê ke erdlerzî ra tesîro tewr gird dî , înan ra yew o. Zafê bajarî rijîya û xeylêk kesan tira bar kerd. Xelêk kesî zî rixmê zehmetîyan kenê ke tîya ca bidê xo. Mexdûra erdlerzî Husne Kiliç derheqê rewşa ke ciwîyenê de ANFyî rê qisey kerd.

Kiliçe ard ziwan ke ê badê erdlerzî zaf cayan ra gêrayî û vat: ''Ma nêeşkayêne eynî ca de bimanê. Ma ge şinê banê dewe, ge xeyme de manenê. Wesayît de kewnê. Tim derber de yê. Tutê me serdî ra nêweş kewtî. Xeylêk merdim û ciranê ma erdlerz de merdî. Zafê embazê kênaya mi merdî. Ez nêwazenê tîya ra şirê. Ez xeyme de zî bimanî, do tîya ra meşirê. Vanê do Nurdag bi temamî bêro vengkerdene. Ez tîya ra do nêvejîye. Hinda hesirê mi bîyî zuwa. Ma nêwezanê  hera xo caverdê. Ma tîya ra yê, nêwezanê şirê cayêkê bînî. Gerkek na rewşe helêke cuwa ver bêro çareserkerdene.''