Welatanê cîyayan ra zaf kesî beşdarê kongreya HDPyî bîyî û înan kongre de qisey kerd. Destpêk de Partîya Sosyal-Demokrate ya Swêdî û Partîya Sosyalîste ya Ewropa ser o Kadîr Kasirgayî qisey kerd. Kasirgayî vat: ''Na cografya de zaf gonîyî rijîyayî, qirkerdişî bîyî. Ma tîya ra venga qesre danê, venga Anqara danê; berê Îmraliyî abikerê û dest pê dîyalogan bikerê.''

Serekê Koma Çepe ya Ewropaya Yewbîyaye ya Meclîsê Parlamenteran a Konseya Ewropa Tiny Koxî vat: ''Têkoşînê şima hetê ma ra zaf baş yeno zanayene û ma têkoşînê şima zaf ercaye vînenê. Têkoşînê şima têkoşînê ma yo. Ez nameyê Çepa Ewropa venga Erdoganî û selahîyetdaranê tirkan danaİ eke şima wazenê bibê endama Yewîya Ewropa bedelê ci esto. Ganî seba endamîye şima berpirsîyarîya xo bîyarê ca.

Sereka Îtîfaqê Azadîye ya Ewropa Lorena Lopez de Lacalle zî vat: ''Ez çêrîya şima rê selam kena, bi taybetî çêrîya cinîyanê kurdan rê. Şexsê embaza ma Leyla Guven de ez qerardarîye û xoverdayîşê şima rê selam kena.''

Endama Polîtburo uê FHKCyî Leyla Xalîd vat: ''Mi zîndananê ÎSraîlî ra selamê Xalîde Cerrar seba Ocalanî ard. (...) Çi gureyê artêşa tirke Sûrîye de esto? Domanê ma kişenê. Şarê Sûrîye do vera Erdoganî ser bikewê. Biciwîyo Fîlîstîn, biciwîyo Kurdîstan.''

Berpirsîyarê Tekilîyanê Teberî yê Partîya Îtîfaqê Şarî ya Sosyalîste yê Misirî Mamdouh Habeshîyî zî vat: ''Bi vînayîşê şarê kurdî zaf kêfweş a.''