Milîsanê Yewînanê Qesasî yê Delale Amedî yê HBDHyî pare kerd ke 11ê adare de înan vera wesayîtê polîsan Kuçukçekmeceya Îstanbulî de çalakîyêke kerde. Goreyê eşkerayîye polîsêk merd û 2 polîsî zî birîndar bîyî.
Milîsanê Yewînanê Qesasî yê Delale Amedî yê Têgêrqayîşê Şorişgêrî yê Yewîya Şarî (HBDH) bi eşkerayîyêka nuştekîye vat: ''11ê adare de taxa Kanarya ya qezaya Kuçukçekmece ya Îstanbulî de vera wesayîtê polîsan hêzanê ma çalakîyêke kerde. Yewînanê ma ni çekan guleyî eştî wesayîtê polîsan.''
Eşkerayîye de ame vatene ke çalakîye de polîsêk merd, 2 polîsî zî birîndar bîyî.
Milîsanê HBDHyî ard ziwan ke çalakîya ra dima hêzê înan bi asayîşî herême ra dûr kewtî û da zanayene ke na çalakîye seba vîrameyîşê pêro şehîdanê Xoverdayîşê Sûrî û Fermandarê Xoverdayîşê Sûrî Şehîd Çîyagerî bîye ke Çîyager 12ê adare de Sûr de şehîd bi. Yewînan eşkera kerd ke na çalakîye seba vîrameyîşê ê kesan zî bîye ke 12ê adara 1995î de bi rojan bendê Gezîyî de vera polîsan xo ver da û ameyî qetilekerdene.
