Wekîla Partîya Çep a Keske ya Adana Tulaye Hatîmogullari ANFyî rê qisey kerd û ard ziwan ke 28ê gulane de azadî û demokrasî rê rayî do bêrê dayene.

Tulaye Hatîmogullari vat: ''Ya faşîzm ya demokrasî; ya zorbazî ya azadîye. Wa şarê ma goş nêdo dezanformasyon û manîpulasyonan û 28ê gulane de şoro raya xo bido. Seba ke turê yewinî de weçînayîşê serekkomarîye netîce nêdaye ma neçare yê ke xo seba turê diyînî amade bikerê. Ganî ma bikerê ke weçînitoxê ke 14ê gulane de şîyê sindoqan ser reyna şorê. Ganî êyê ke 14ê gulane de nêşîyê sindoqan ser şorê û raya xo bidê. Komel vurîyayîş wazeno û nê waştişê xo zî do 28ê gulane de îsbat bikero.

Ez venga pêro weçînitoxan dana ke keremê xo ra raya xo bidê. Seba vurîyayîşê rejîmê tekcamêrdî, seba ameyoxê xo raya xo bidê. Mexdûrê erdlerzî kerêma xo ra wa rayîrêkî peyda bikerê û şorê sindoqan ser. Seba şîyayîş û ameyîşî numarayê îrtîbatî est ê. Bi rayîrê nê numarayan şima eşkenê şorê serê sindoqan. Rayê şima zaf girîng ê, her raye eşkena çarenusê welatî eşkera bikera. Morêk eşkeno her çî bivurno.''