Şaristanê Munihî yê Almanya de rayberîya SARA-Cinîye, Meclîsê Komelê Kurdî de kurdîstanijan û dostê înan seba sîyasetmedara kurde Zeynebe Celalîyana ke Îran de tepişte ya, çalakîye kerde. Çalakîye de bi îngîlîzkî û almankî qiseykerdiş ame kerdene.

Qiseykerdişan de nê çîyî ameyî vatene: ''Hem semedê şertanê zîndanî ra hem zî rîyê îşkenceyî ra rewşa weşîye ya Zeynebe Celalîyan hol nîya. Dewlete Îranî ganî cade Zeynebe Celalîyan û tespişteyanê bînan vera bida.''

Çalakîye de sloganê ''Tepişteyanê sîyasîyan vera bidê'', ''Ganî Zeynebe Celalîyan bêra veradayene'' û ''Cinîye, Cuye, Azadîye'' ameyî vatene.