Avûkatanê Rayberê Şarê Kurdî Abdullah Ocalanî Cengiz Yureklî, Mazlûm Dînç û Fuat Çoşacakî seva ke muwekîlê xo dir bêrê têver Serdozgerîya Komare ya Bursa rê reya 757ine muracat kerd.

Muracato ke saet 10.00 de ame kerdene rê serdozgerî bi lez cewab da. Astengîyê ke hetê Hakimîya Înfazî ya 1. ya Bursa ra tarîxê 6ê Êlule 2018î de bi qerarê 2018/4526î û Qanûnê bi Hûmara 5275î yê Derheqê Înfazkerdişê Tedbîranê Ceza û Asayîşî behane ameyî ramotene û muracat red kerd.   

757 muracatê avûkatan ê 27ê Temmuze 2011 ra heta nika bi behaneyanê sey „muxalefetê hewayî“, „xirabîyayîşê kosterî“, „koster tamîr de ya“, „OHAL“ û tewr  peynî zî „cezaya Dîsîplînî“ ameyî redkerdene.