Musabeqaya Rojnamegerîye ya Musa Anterî û Şehîdanê Çapemenîya Azade ya 30. do bêra kerdene. Muracatê seba Xelatanê Rojnamegerîye yê Musa Anterî yê 30. dest pêkerd. Seba muracatî roja peyêne 10ê êlule yo.

Musabeqa do beşanê xeberanê bi tirkî, xeberanê bi kurdkî, fotograf, karîkatur û muxabîrîya cinîyan de bêra kerdene. Wayîrê xelatan 18ê êlula 2023yî de do bêrê eşkerakerdene.

Şertê beşdarîye wina yê:

*Kesê ke wayîrê şertanê şartnameyê musabeqa yê eşkenê beşdarê musabeqa bibê.

*Endamê Heyetê Vîjnayîşî(eke a serre jurî bê) û xebatkarê Yenî Yaşamî nêşkenê beşdarê musabeqa bibê.

*Berhemê musabeqa ganî verê cû cayêk de nêweşanîyê û ganî heta 10ê êlule bişawîyê.

*Beşdarî nêşkenê bi berhemanê xo yê xelatgirewtoxan beşdar bibê.

*Eke çîyêko winasî biqewimîyo, do xelatî betal bibê û têpîya bêrê girewtene.

*Eke berhemê kesanê bînan bêrê jurîyan ver, no do sey îxlalî bêro erjnayene.

*Ganî fotografî wayîrê wesfanê fotografanê xeberan bibê û ser o mudaxeleyî mebê.

*Berhemê ke erşawîyenê do bi goreyê şertnameyî bêrê qebûlkerdene.

*Berhem eke nêameyo weşanayene, ganî nameye ci, ca û wextê antişî, xêzkerdişî bêrê nuştene. Eke weşanîyayo, ça de vejîyayo û malûmatê bînî zî ganî zereyê dosya de ca bigerê. Beşdarî ganî xo bidê şinasnayene (CV), adresanê xo binusê, derheqê berhemê xo de zanayîş bidê û fotografêkî xo zî tede înan dosya de ca bikerê.

*Fotografî ganî tewr tay 2000 pîksel bibê, formatê JPGyî yê 3000DPI de û kalîteya tengkerdişê 12. de bibê.

*Karîkaturî ganî tewr tay A4 (21 cm × 29,7 cm) û tewr zêde A3 (29,7 cm x 42 cm) bibê, formatê JPGyî de û pê emaîlî bierşawîyê.

Endamê Jurî wina yê:

Xeberê bi tirkî: Farûk Bîldîrîcî, Alî Dûran Topûz, Banuye Guven, Candan Yildiz, Nezahane Dogan, Mehmet Alî Çelebî.

Xeberê bi kurdkî: Sûna Tûnç, Hatîce Kamer, Rizoyê Xerzî, Ramazan Olçen, Leyla Ayaz.

Rojnamegerîya cinîyan: Ceren Sozerî, Bîrcan Degîrmencî, Arjîn Dîlek Oncel, Safiye Alagaş.

Fotografî: Ramazan Ozturk, Ozcan Yaman, Mûrat Baykara, Bêrîtan Canozer, Çetîn Altûn.

Karîkaturî: Mûrat Îpek, Mûsa Keklîk, Aşkin Ayrancioglû

Adresê ke eserî ganî bierşawîyê ci:

“e-posta: mailto:[email protected]

Telefon: 0 212 252 83 99 Fax: 0 212 252 83 90

Adres: Şehit Muhtar Mahallesi Bekar Sokak No: 7/3 Beyoglu/Îstanbul.”