Seba Xelatanê Rojnamegerîye yê Musa Anter û Şehîdanê Çapemenîya Azade  muracatî dest pêkerd. Musabeqeya ke qismanê “Xebera Tirkî”, “Xebera  Kurdkî”, “Fotograf (Fotografê Xeberan), “Karîkator” û  semedê  vîrardişê Gurbetellî Ersoz “Xeberkarîya Cinîyan” ra pê yena, do hetê rojnameyê Yenî Yaşamî ra bêro organîzekerdene. Netîceyî do menga êlule de bêrê eşkerakerdene.

Seba vîrardişê nuştox û roşinvîrê Kurdî Musa Anterî û xebatkaranê çapemenîya Azade yê ke serê karî de şehîd bîyî, serra 1993î ra heta nika her serre “Xelatê Rojnamegerîye yê Şehîdanê Çapemenîya Azade û Musa Anterî” yenê viraştene. Emser zî ziwanê musabeqeyî tirkî û kurdkî yê.

Şertê Musabeqaye wina yê:

*Kesê ke wayîrê şertanê şartnameyê musabeqa yê eşkenê beşdarê musabeqa bibê.

*Endamê Heyetê Vîjnayîşî(eke a serre jurî bê) û xebatkarê Yenî Yaşamî nêşkenê beşdarê musabeqa bibê.

*Berhemê musabeqa ganî verê cû cayêk de meweşanîyê yan zî eke 10ê Êlule 2021î ra dima ameyê weşanayene qebûl bene.

*Beşdarî nêşkenê bi berhemanê xo yê xelatgirewtoxan beşdar bibê.

*Eke çîyêko winasî biqewimîyo, do xelatî betal bibê û têpîya bêrê girewtene.

*Eke berhemê kesanê bînan bêrê jurîyan ver, no do sey îxlalî bêro erjnayene.

*Ganî fotografî wayîrê wesfanê fotografanê xeberan bibê û ser o mudaxeleyî mebê.

*Berhemê ke erşawîyenê do bi goreyê şertnameyî bêrê qebûlkerdene.

*Berhem eke nêameyo weşanayene, ganî nameye ci, ca û wextê antişî, xêzkerdişî bêrê nuştene. Eke weşanîyayo, ça de vejîyayo û malûmatê bînî zî ganî zereyê dosya de ca bigerê. Beşdarî ganî xo bidê şinasnayene (CV), adresanê xo binusê, derheqê berhemê xo de zanayîş bidê û fotografêkî xo zî tede înan dosya de ca bikerê.

Endamê Jurîyî

Jurîyê Xebera Tirkî: Tugrul Eryilmaz, Candan Yildiz, Fatih Polat, Faruk Eren, Îbrahim Varli, Huseyin Aykol

Jurîyê Xebera Kurdkî: Leyla Ayaz, Kadri Esen, Suna Tunç, Bêrîtane Zagros, Ramazan Olçen

Jurîyê Xeberkarîya Cinîyan: Habîbe Eren, Pinare Ural, Bîrcane Degirmenci, Cerene Sozerî, Elîfe Akgul

 Jurîyê Fotografî: Çetin Altun, Ramazan Ozturk, Ozcan Yaman, Nezahate Dogan, Refik Tekin

 Jurîyê Karîkaturî: Îmam Cici, Sefer Selvi, Asli Alpar

 Adresî

e-posta: [email protected]

Telefon: 0 212 252 83 99 Fax: 0 212 252 83 90

Adrese: Taxa Şehit Muhtar, Bekar Sokak No: 7/3 Beyoglu/Îstanbul