Dewa Bostankentî ya Mûşî ra keyeyê Karakayayî semedê pîknîkî şi Gola Barajî ya Alpaslan-1î. Tîya Rabia Karakaya (13) ya ke gole de asna kerdêne tehlukeyê xeniqîyayîşî ravîyarna. Seba ke domane bixelisnê Yasin Karakaya (18), Edanur Karakaya (20) Fatma Karakaya û Eylul Tekin (15) kewtî gole û ê zî cum bîyî.

Netîceya cigêrayîşê ekîbê AFADî û şarê herême de cenazayê Rabia, Yasin, Edanur û Fatma Karakaya û Eylul Tekin ameyî vînayene.Cenazayê panc kesan semedê otopsî ameyî berdene Nêweşxaneyê Dewlete yê Mûşî.