Muxabîrê MA Sayilgan û Kaya ameyî destbendkerdene
Muxabîrê Ajansê Mezopotamya (MA) Îdrîs Sayilgan û Nacî Kaya Edîrne de ke seba xebere şîbî ci ameyî destbendkerdene.
Goreyê xebera MA Sayilgan û Kaya wexto ke Edîrne de Pazarkule de xebere viraştêne ameyî destbendkerdene û ameyî berdene bi Fermandarîya Cendirmeyan a Edîrne.
Sayilgan û Kaya saete: 15:00 de bi îdîaya ''herêma qedexkerde de girewtişê dîmenan'' ameyî destbendkerdene.
Goreyê heman xebere Sayilgan û Kaya ra berî tay rojnamegerî zî nezaret de yê.
