Roniştişanê Heqanê Merdiman ê   Neteweyanê Yewbîyayeyan (NY)  ê ke 18ê hezîrane de Ofîsê NYyî yê Cenevre de dest pêkerd,  badê roniştişê 80. qedîyayî.

Komîte derheqê Tirkîya de raporê xo eşkera kerd. Rapor de yo ke derheqê binpaykerdişê heqan ê Tirkîya de ame hazirkerdene û bi 50 madeyî ameyî parekerdene û ganî goreyê ci bêro têgêrayene, tecrîdê Îmraliyî vejîya vernî.

Komîte qisawetê xo yê semedê tecrîdê Îmraliyî ard ziwan û nê vatî: ''Tirkîya de heqê tepişteyan yenê binpaykerdene û raştê zextê giranî yenê. Tewr zaf zî Îmrali de huqûq yeno binpaykerdene. Abdullah Ocalan, Hamili Yildirim, Omer Hayri Konar û Veysi Aktaş 25ê adara 2021î ra nata hucre de yenê tepiştene û  destûr nêdîyeno ke avûkat û merdimanê xo bîvînê.Tay tepişteyan 9 serrî yo avûkatê xo nêdîyî. Ganî astengkerdişê pêvînayîşê bi Abdullah Ocalan û tepişteyanê bînan ê Îmraliyî cade bêro wedaritene.''

Komîte waşt wa Tirkîya heta 26ê temmuza 2025î cewabê raporê ci bido  û wina vat: ''Ganî şartê tepişteyanê Îmraliyî bêrê newekerdene û zextî bêrê wedaritene û tepişteyî bieşkê merdim û avûkatanê xo bivînê. Dewlete ganî heta wextê dewrê raporê bînî  waştişanê ma bîyaro ca û derheqê nê de zanayîş bido ma.''