Kombîyayîşê NATOyî Bruksel de ame kerdene. Kombîyayîşî ra dima netîcenameyê Kombîyayîşê Serekan ê NATOyî weşanîya.

Netîcename de ame parekerdene ke Konsepto Stratejîk ê 2030î hetê 30 welatan ra ameyo qebulkerdene û Tirkîya zî mîyanê konseptî de do ca bigêro.

Netîcename de nê çîyî ameyî parekerdene:

-Ma seba tedbîranê asayîşî Tirkîya rê destekê xo zêdîna. Seba caardişê ney xîretê ma do dewam bikero.

-Îdareyê Esadî yê Sûrîye vera şarê xo fuzeyan şuxilneno. Semedo ke nê fuzeyî nêrê eştene Tirkîya ma do şîyar bibê.

-Tirkîyaya ke mutefîqa ma ya bi mîlyonan sûrîyeyîjan rê meymandarîye kerde, ma ci rê reyna sipas kenê.

-Vera pêro gefab seba pawitişê kolektîfî yê Ewropa û Atlantîkî ma do organîze bibê û NATOyî xurt bikerê.

-Qesawetê ma yê verênî Rûsya, Çîn, terorîzm, gefê vera sîstemê mîyanneteweyî, koçberî û asayîşo sîber o.