Vilabîyayîşê vîrusê Korona ra dima domananê 5 serre ra qijêran de janêko newe vejîya ke maneno nêweşîya 'Kawasakî.' Vilabîyayîşê na nêweşîye pisporan qerqilneno. Na nêweşîye bi giranî domananê 5 serre ra qijêran de dîyena. Domanê ke pê na nêweşîye kewenê canê înan sincenê, çermê înan beno sûr, tansîyonê înan kêmîyena û rehet helm nêgêna. Îngilistan, Îspanya, Swîsre ra dima Almanya de zî na nêweşîye vila bîye. Goreyê Merkezê Kontrolî û Vergirewtişê Nêweşîyan ê Ewropa (ECDC) heta nika Yewîya Ewropa de 230 domanî pê na nêweşîye kewtî.

Sirê PIMSî ke bi taybetî Îtalya û Îngiliztan de bi sebebê merganê domanan nêno zanayene.Nê janî de sereyê domanan dejenê û vêşenê. ECDCyî da zanayene ke cigêrayîşê derheqê nêweşîye de dewam kenê û na nêweşîye de xeylêk doneyê vîrusê Korona vejîyayî meydan. Goreyê ECDCî  xeylêk domanê ke pê na nêweşîye kewtî testê înan ê vîrusê Korona pozîtîf vejîyayî.