Avûkatanê Rayberê Şarê Kurdî Abdullah Ocalanî ra Newroz Ûysale derheqê pêvînayîşê Ocalanî de cewab da persanê ANF’yî.

Rewşa weşîya ey senî bî?

Bimoral û bihêz bi. Derheqê weşîya xo de detayan nêkewt. Va ez problemanê komelkî gena merkez û nê babetanê erzena planê dîyine. Ez xo ciwan hîs kena, hetê zîhîn û ruhî ra zî mi xo hîna bihêz kerd.

Çimdarîya şima ya verêne çi bî?

Proseduranê cigêrayîşî ra dima wexto ke ma odaya pawitişî de pawetêne odaya pêvînayîşî ra vengê Birêz Ocalanî yo bihêz ameyêne. Gama ke ma şîyê zere ma payra silam kerdî. Destê ci de zî vilaweka ke ma rayapêroyî dir pare kerde estbî.

8 serrî ra dima senî yew prosedur ame bicaardene?

21’ê Temmuz a 2016’î ra nata bi qeraranê mehkema yê bêhuqûqîyan bêmaben qerarê qedexeyî ameyêne girewtene. Tewr peynî de 13’ê Adar a 2019’î  de îtîrazê ma ame qebûlkerdene û qedexe ame wedarnayene û qerarêko newe 22’ê Nîsane de resa ma. Muracatê ma yê ke dewam kerdêne 2’ê Gulane de 4 avukantan ra ê di avûkatan ame qebûlkerdene. Ma di avûkatî şîyî Îmrali û saetêk pêvînayîş viraşt. Pêvînayîş de ma belgeyî yewbînan nêdayî û destûr nêdîya ke ma not tepişê.

Ocalan tecrîdê serê xo senî ercneno?

Muvekîlê ma pawitşanê xo de  zaf rey ard ziwan ke tecrîdê Îmraliyî şexsê ey de şarê Kurdî rê yeno bicaardene. Hîrê serranê pêyînan de bi birayê xo tena di rey pêvînayîş viraşt. Pêvînayîşê keyeyî yo peyên de zî vatêne ke tecîd yeno domnayene û lingê komel, dewlet û her kesî de prangayî estî.

Şertê ci yê fîzîkî senî bî? Waro hempar, rojname, TV û rewşê resnayîşî senî bî?  Şertê resayîşê Kitabxane û kitaban senî yê?

Ma xora binizamî kitab, komar û rojnameyanê rojaneyan şawenê. La wextê pêvînayîşî de ma eşnawiti ke rojanmeyê Yenî Yaşamî nêdîyeno ci. Tayî rojnameyî diyenê ci la ma nêzanî binîzamî ya da bênîzamî. Xeylî mektubanê ma ra tena 2-3 mektebe girewte bî ma zî va mektubê ey nêresayî ma. Televîzyon seyr keno hewt-heşt kanalî estî. Muvekîlî ma yê bînî ke uca de yê va ez înan vînena. Gama ke nimûneyêk dayene va ez nika mîranê Cizîrî wanena. Mesela vatêne Mem û Zîn ê ke sey hîkayeya eşqî yenê zanayene sesasî de tîra demokratîkbîyayîşî anê ziwan.

Qewimîyayîşanê sîyasîyan ê Tirkîya senî ercneno?

Birêz Ocalan ano ziwan ke o hewt serran verî ra hîna aver şîyo û goreyê ey na noqta pêkerdişêko demokratîk û sîyasîyî rê hewcedarî esta no zî yeno  manaya werêameyîşê Kurdan û Tirkan. Biisrar bale anceno serê muzakereyê demokratîkî. Goreyê Birêz Ocalanî hêzo nerm aqil, polîtîka û kultur ê.  Birêz Ocalan Vakûrê Sûrîye de zî binê asayîşî girewtişê heqanê heme şaran muhîm vîneno û vano ke sey sîstemê merkezî ganî heqê heme Kurd,Ereb û Suryanîyan huqûqê bingeyên de seypê bêrê dîyayene. Yewîya Sûrîye zî muhîm vîneno. Birêz Ocalanî grevê vêşanîye rê zî hurmetê xo ard ziwan û va ke demê 82’î ranata tewirê mi eşkera yeno zanayene. Îfade kerd ke metko ke rayapêroyî dir ame parekerdene bitesîrê grevê vêşanîye bi. Hemeyan rê silamê xo vatî û waşt ke wa çew zirar bedenê xo medo û mero merhaleya mergî.

Ocalan bale anceno vilaweka Newroz a 2013’î, qala vindertişê Îmraliyî keno. Naye ra wa çi bêro famkerdene.?

Birêz Ocalan xo sey kerdoxo polîtîk hesibneno vano ke halê nê kerdoxê polîtîkî semedê pêkerdişêkê demokratîkî û aşitîya bianore esas o. Hezê Birêz Ocalanî yo polîtîk yeno zanayene. Vilaweka Newroz a 2013’î senî ke vatêne çareserîya demokratîk û sîyasîyî û aşitîya bi anore  ewro zî wina vano.

Rewşa tepişteyanê bînan senî bî?

Muvekîlê ma yê bînî zî sey Birêz Ocalanî binê tecrîd de yê. Seke  Adar a 2015’î ra Îmrali rê ameyî sewqkerdene hema reyêk zî pêvînayîşê avûkatî nêkerdo. Reyna heqê xo yê mektube û telefon zî nêşuxulenê. Merdimanê înan zî pêvînayîş nêviraşt. Rixmo ke qedexeyê pêvînayîşê avûkatî ameyo wedartene, 2’ê Gulane de destûr nêdîya ke ma înan zî vînê. Birêz Ocalanî va ke rewşa înan hol a û silamê înan estî.