Nobeta Azadîye ya ke 25ê hezîrana 2012î ra nata şaristanê Strasbourgî yê Fransa de, seba azadîya Rayberê Şarê Kurdî Abdullah Ocalanî yena kerdene, hewteyê 594. de  hetê koma newî ameye dewrgirewtene.

Nobeta azadîye hewteyê 594. de hetê koma herêma Charleroi  ya Belçika ra ameye dewrgirewtene. Koma de  Kerem Aşkan, Mutat Karasu, Yusuf Demir, Ferhat Uzman û Sedat Aydin ca genê.

Vervatoxê koma Kerem Aşkanî bale ante tecrîdê giranî yê serê Rayberê Şarê Kurdî Abdullah Ocalanî ser û vat, “Ma tîya ra veng danê dezgehanê eleqedaran ê Ewropa ke wa wezîfeyê xo bîyarî ca.” Çalakwanan veng da şarê kurdî ke wa vera tecrîdê Imrali  vejîyo waran.