Keyeyanê tepişteyanê nêweşan û tepişteyanê ke înfazê înan ameyo vêşnayene, roja 262.de verê Zîndanê Amedî de çalakîya xo ya nobeta edaletî kerde. Wekîlê HDPyî yê Şirnexî Hasan Ozguneş û Paştdayîşê Wendekaran ê Zanîngehê Dîcle zî destek da çalakîye.

Merdimanê tepişteyan ra Reşahate Ada pare kerd ke ê wazenê domanê înan bêrê veradayene û tedawî bibê. Reşahate Ada vat: ''Domanê ma sûcdar nîyê. Ma têkoşînê rûmetênî yê domananê xo war meverdê.''

Wekîl Ozguneşî zî îfade kerd ke dinya ser de yew mîsalo bîn ê tecrîdê Îmraliyî çin o û vat: ''Tepişteyê nêweşî nênê veradayene. Aysele Tugluk nêeşkena bi sereyê xo zîndan de bimana la vera nêdîyena. Dewlete pê vêşanverdayîşî û teda wazena tepişteyan terbîye bikera. Zîndanan de ferasetê îşkenceyî est o. Ganî dewlete nê kerdişan ra fek vera bida. Heta ke zîndanî veng bibê û haştîye bêra têkoşînê ma do dewam bikero.''

Paştdayîşê Wendekaran ra Abdullah Kazaylekî zî çalakîye de qisey kerd û waşt ke wa pêro tepişteyê nêweşî bêrê veradayene.