Merdimanê tepişteyanê nêweşan û tepişteyanê ke înfazê înan ameyo vêşnayene roja 239. de verê Zîndanê Tîpê Dyî yê Amedî de nobeta edaletî rê dewam kerd.

Endamanê Komeleya TUAY-DER, Xîretê 78an, HDP û DBPyî paştî daye çalakîkeran. Merdimanê tepişteyan ra Herdeme Merwanîyî ard ziwan ke çend rojan ra dima çalakîya înan do bikewa menga 9. Herdeme îfade kerd ke waştişê înan waştişê komelî yê la selahîyetdarî xo kenê kerr.

Herdeme Merwanî da zanayene ke seba ke merdimê înan zîndananê dûran de ameyê cakerdene nêeşkenê roşan de înan zîyaret bikerê û vat: ''Bi nê hawayî keyeyî yenê cezakerdene.''