Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyabî lajê xo Ferît Şenyaşarî reyde nobeta edaletî rê dewam kena.

Keyeyê Şenyaşarî roja 489. ya Nobeta Edaletî de rixmê roşanî zî keyeyê xo de nobeta edaletî de yo.

Keyeyê Şenyaşarî sey rojanê bînan hesabê xo yê medyaya dîjîtale de no mesaj pare kerd: ''Ewro zîyaretê goristanan ra dima ma seba ke meymanî teberê şaristanî ra yenê keye de nobete rê dewam bikerê. Berê ma her keso ke wazeno zîyaretê roşanî bikero rê akerde yo.''