Nuştoxe û şaîra yunane Despoye Pilavaki ANFyî rê qisey kerd û paştî daye Hemleya 'Adbullah Ocalanî rê Azadîye, Meseleya Kurdan rê Çareserîya Sîyasîye.'

Despoye ard ziwan ke a xêrê Teofilos Georgiadisî ra raştîya şarê kurdî û Kurdîstanî şinasnayê û vat: ''Mi xêrê ey ra Rayber Apoyî û azadîya têkoşînî şinasnayî. Destpêkê serranê 90an de mi kurdî û têgêrayîşê azadîye şinasnayî. O çax ez zewijnaye bîya û domanê mi est bîyî. Domananê mi ra nêbîyêne ez şîyêne koyan zî. La reyna zî mi tim seba kurdan têkoşîn kerd.

Werrekna sey Abdullah Ocalanî rayberê ma est bîyêne. Îdeolojîya Abdullah Ocalanî seba azadîya şaran esas a. Coka o tim yeno hedefkerdene. Abdullah Ocalan seba merdiman hêvîyê azadîye mojneno. Coka seba azadîya Ocalanî ganî ma her wextî ra zêdeyêr xoverdayîşî pîl bikerê. Çunke heta ke Abdullah Ocalan azad nêbo ma do azad nêbê.''