Avûkatanê Buroyê Asrinî dima ke qedexeyê pêvînayîşî yê 3 mengan ê vera tepişteyanê Îmraliyî Abdullah Ocalan, Omer Hayarî Konar, Hamîlî Yildirim û Veysî Aktaşî qedîya, 7ê hezîrane de muracatê Hakîmîya Înfazî ya Bursa kerd ke muwekîlanê xo bivînê. 

 Avûkatan muracatê xo de waşr ke cade muwekîlanê xo bivînê, bizanê ke qedexeyê pêvînayîşî yo newe est o yan çin o û sebebê cezayan bêrê eşkerakerdene.

Hakîmîye 8ê hezîrane de cewab da avûkatan û seba ke 'cezaya dîsîplînî' hema zî dewam kena  muracatê pêvînayîşî red kerd. Avûkatan naye ser o 15ê hezîrane de Mehkemeya Cezaya Girane ya Bursa rê îtîraz kerd.

Mehkeme 23ê hezîrane de cewab da îtîrazî û seba ke 31ê gulane de 'cezayêka newîye ya dîsîplînî' ya 3 mengan dîyaye tepişteyanê Îmraliyî îtîrazê avûkatan red kerd. 

Avûkatanê Buroyê Asrinî îfade kerd ke Serekîya Heyetê Dîsîplînî nê cezayan înan rê pare nêkena û no bêhuqûqî ya. Avûkatan ard ziwan ke cezayê winasênî kenê ke tecrîdê Îmraliyî dewam bikerê. Avûkatan da zanayene ke ê do muracatanê huqûqîyan rê dewam bikerê.