Parlamentera Partîya Çep a Keske ya Êlihî Zeynepe Oduncu  derheqê tecrîdê giranî yê serê Rayberê Şarê Kurdî de qisey kerd. Oduncu vist vîrî ke Tirkîya û Kurdîstan de 2015î ra nata polîtîkayê zext, înkar û îmhayî zêdîyayî û nê vatî:

''Welat demokrasîyî ra kewto dûrî. Sebebanê nê tewr muhîman ra yew tecrîdê serê Rayberê Şarê Kurdî Abdullah Ocalanî yo. Îqtîdarê AKPyî ke keno ke bi  dişmenîya vera kurdan  payra bimano, Kurdîstan de keno ke bi polîtîkayanê şarê taybetî şarê ma çîn bikero. Reyna wazeno kurdan raştîya înan ra bifîno dûrî. Îqtîdar rîyê dişmenîya vera kurdan bîyo kor, welat fînayo çi hal nêvîneno.

Seba ke krîzê Tirkîya biqedîyê, gerek tecrîdê serê Rayberê Şarê Kurdî Birêz Abdullah  Ocalanî bêro wedaritene. Birêz Ocalan têkoşînê azadîye û demokrasîyî yê  kurdan û şaranê Rojhilatê Mîyanênî temsîl keno. Dewlete û sîstem nê zanê coka bi nimzkerdişê vengê Abdullah Ocalanî, xorîkerdişê tecrîdî wazenê verê têkoşînî bigêrê.

Ma sey Partîya Çep a Keske tecrîdî tim anê rojdemê meclîsî ke wa verê demokrasîyî bêro akerdene.  Ma sey partîye xora do berpirsîyarîya xo bîyarê ca la têkoşînê ma kêm maneno. Tecrîdê serê Birêz Abdullah Ocalanî têna kurdan nê  heme merdimîye eleqedar keno.

Coka gerek na mesele bibo rojdemê heme komelê Tirkîya. No probelmê heqanê merdiman o û her kesî eleqedar keno. Gerek serê ma parlamenterê kurdî her kes tecrîdî bikero rojdemê xo. Eke tecrîd wedarîyo, problemê welatî do bêrê çarserkerdene. Gerek ma her ca bîyarê ziwan ke bi wedaritişê tecrîdî û çareserkerdişê meseleya kurdan krîzê Tirkîya zî yenê çareserkerdene. Gerek ma nê pêrune binê serbanê meclîsî de qisey bikerê û  tecrîdî bikerê rojdemê meclîsî.''